08:32 «Ռեալի» ֆուտբոլիստ Կասեմիրո. Նեյմարի հետ լուրջ մրցակցություն | |
Մադրիդի «Ռեալի» կիսապաշտպան Կասեմիրոն ընդգծել է, որ դիմակայությունն իրեն ու «Բարսելոնայի» հարձակվող Նեյմարին չի խանգարում լավ հարաբերություններ պահպանել: Երկու բրազիլացիներն էլ իսպանական թոփ-ակումբներ են տեղափոխվել այս ամռանը: -Այսպես են իրականանում երազանքները: Մենք տեղափոխությունների առիթով կատակում էինք Նեյմարի հետ, քանի որ մենք իրար դեմ ենք խաղացել գրեթե ամբողջ կյանքի ընթացքում: Կարելի է ասել' միմյանց հետ լուրջ մրցակցություն ունենք: Ուրախալի է այդպիսի ընկեր ունենալ, չնայած ակումբների դիմակայությանը: «Ռեալում» խաղալն իմ ամբողջ կյանքի երազանքն էր, սակայն, շնորհիվ «Սան-Պաուլոյի» կազմում հաջող ելույթների, այն դարձավ իրականություն,- ասել է Կասեմիրոն ՖԻՖԱ-ի պաշտոնական կայքի հետ զրույցում: 21-ամյա բրազիլացին ընթացիկ մրցաշրջանում Իսպանիայի առաջնության երեք հանդիպումներում փոխարինման է դուրս եկել մադրիդցիների կազմում: Իսկ ահա Նեյմարը մասնակցել է մեկ ամբողջական հանդիպման, իսկ մյուս երկու խաղերում դուրս է եկել փոխարինման: | |
|
Մեկնաբանություններն ընդամենը՝: 0 | |