Բրազիլիայի հավաքականի և Մադրիդի «Ռեալի» նախկին հարձակվող Ռոնալդոն նախկին թիմին կատարած այցելության ընթացքում խոսել է ակումբի պատմության մեջ հինգերորդ ռմբարկուի՝ Քրիշտիանու Ռոնալդուի մասին։

«Քրիշտիանուն շատ լավ ֆուտբոլիստ է։ Նա շատ ավելի կատարելագործված խաղացող է դարձել Մադրիդում, և բոլորը բավականություն են ստանում՝ դիտելով, թե ինչպես է նա «Ռեալում« խաղում։ 

Այստեղ գալը նրա համար լավ էր։ Նա «Մանչեսթեր Յունայթեդում» արդեն շատ գոլեր էր խփում, բայց հիմա էլ ավելի շատ գնդակների հեղինակ է դառնում և դարձել է իրոք լավ ռմբարկու։ Նա բոլոր առումներով հրաշալի ֆուտբոլիստ է»,-ասել է Ռոնալդոն։