Մադրիդի «Ռեալի» գլխավոր մարզիչ Կարլո Անչելոտին ՉԼ խմբային փուլի երկրորդ տուրի «Կոպենհագենի» հետ հանդիպումից հետո ասել է, որ թիմը փորձում էր խաղն իր ձեռքում պահել, և դա հիմնականում հաջողվել է։

Անչելոտին խոսել է նաև երկրպագուների՝ իր հասցեին հնչեցրած սուլոցների մասին։

«Այդպիսի բան ինձ հետ առաջին անգամ չէ, որ տեղի է ունենում: Մարզչական գործունեությանս ընթացքում սովորել եմ նման բաներին ուշադրություն չդարձնել։ Իրականում սուլոցներն այդքան էլ վատ բան չեն։ Այդ միջոցով երկրպագուները կարող են հասկացնել, որ համամիտ չեն մարզչի գործողությունների հետ»,-ասել է Անչելոտին։