Մադրիդի «Ռեալի» գլխավոր մարզչի օգնական Զինեդին Զիդանը բացատրել է, թե ինչու 2013 թվականի արդյունքներով «Ոսկե գնդակը» շնորհվել է ոչ թե Ֆրանսիայի հավաքականի և Մյունխենի «Բավարիայի» կիսապաշտպան Ֆրանկ Ռիբերիին, այլ «Արքայական» ակումբի պորտուգալաի հարձակվող Կրիշտիանու Ռոնալդուին։

-Մենք չենք աղաղակելու սկանդալի մասին, սակայն, ինչ խոսք, այն ամենի համար, ինչ Ֆրանկն արեց 2013-ին, նա արժանի էր պարգևի։

Երեք չափորոշիչ կա. ֆուտբոլիստի ելույթներն ակումբում, նրա իմիջը և անհատական արդյունքները։ Տարբերությունն այն է, որ Ռոնալդուի հաշվին 69 գոլ կա,-ասել է Զիդանը Canal + հեռուստաընկերությանը տված հարցազրույցում։