Մադրիդի «Ռեալի» կիսապաշտպան Ասյեր Իլիյարամենդին վերականգնվել է վնասվածքից ու ընդգրկվել Իսպանիայի առաջնության հերթական տուրի' «Վիլյառեալի» հետ առաջիկա հանդիպման հայտացուցակում:

Մկանային վնասվածքով պայմանավորված' իսպանացի ֆուտբոլիստը բաց թողեց մինչմրցաշրջանային փուլի մեծ մասն ու «Արքայական» ակումբի կազմում պաշտոնական խաղերի դեռ չի մասնակցել:

Սակայն, Իլիյարամենդին վերջերս վերադարձել է լիարժեք մարզումների, ու ակումբի բժշկական շտաբը հաստատել է, որ խաղացողը պատրաստ է մասնակցել առաջիկա մրցավեճին:

Ավելացնենք, որ առաջիկա հանդիպումը բաց կթողնեն պաշտպաններ Ֆաբիո Կոենտրաուն ու Մարսելոն, ովքեր վնասվածքներ են ստացել իրենց հավաքականների կազմերում: