Մադրիդի «Ռեալի» գլխավոր մարզիչ Կարլո Անչելոտին շարունակում է առաջնությունում դարպասապահի դիրքը վստահել Դիեգո Լոպեսին, իսկ Չեմպիոնների լիգայի և Իսպանիայի գավաթի մրցարշարերում Իկեր Կասիլյասին' անկախ հանգամանքից, որ վիճակագրությունը թիմի ավագի օգտին է. գրում է «Marca»-ն:

Կասիլյասը Լոպեսից 10 հանդիպում պակաս է անցկացրել' միաժամանակ միջինում բաց թողնելով ավելի քիչ գոլեր, քան իր խաղընկերը. Կասիլյասը գոլ է բաց թողել յուրաքանչյուր 138 րոպեն մեկ անգամ, մինչդեռ Լոպեսը'ամեն 75 րոպեն մեկ անգամ:

Իսպանիայի և Մադրիդի «Ռեալի» ավագ Իկեր Կասիլյասը վաղը' Իսպանիայի գավաթի 1/16 եզրափակչի «Օլիմպիկի» դեմ խաղում, կանցկացնի 2013թ իր վերջին հանդիպումը: