Պորտուգալիայի հավաքականի և Մարդրիդի «Ռեալի» հարձակվող Կրիշտիանու Ռոնալդուն ներկայացրել է սեփական կայքը, որն ունի Viva Ronaldo անվանումը:

Կայքում պորտուգալացու երկրպագուները հնարավորություն կունենան ոչ միայն տեղեկանալ սիրելի մարզիկի մասին վերջին լուրերին, այլև միմյանց հետ շփվելու: Ռոնալդուն հայտարարել է, որ ինքը ևս ժամանակ կհատկացնի երկրպագուների հետ կայքում օնլայն շփվելուն:

Կայքին բաժանորդագրվելն անվճար է, երկրպագուները ժամանակ առ ժամանակ կարող են մասնակցել մրցույթների և Ռոնալդուի կողմից ստանալ մրցանակներ: