BBC-ի կազմակերպած ամենամյա մրցանակաբաշխության ժամանակ «Մանչեսթեր Յունայթեդի» նախկին գլխավոր մարզիչ սըր Ալեքս Ֆերգյուսոնն արժանացել է «Տարվա սպորտային անհատականություն» հատուկ մրցանակին:

Մրցանակաբաշխության արարողության ժամանակ շոտլանդացի մասնագետին անակնկալ է մատուցել նախկին սանը' Պորտուգալիայի հավաքականի և Մադրիդի «Ռեալի» առաջատար Կրիշտիանու Ռոնալդուն:

Ռոնալդուն տեսագրության միջոցով իր շնորհակալությունն է հայտնել Ֆերգյուսոնին, ով իր համար հոր պես է եղել: Կրիշտիանուն նաև պատմել է, երբ իրեն հանձնել են 7 համարի մարզաշապիկը, ասել է. «Դուք ինձ ճնշման ենք ենթարկում», ինչին Ֆերգյուսոնը տվել է հետևյալ պատասխանը.

-Դու պատրաստվում ես արժանանալ այդ խաղահամարին, քանի որ ֆանտաստիկ խաղացող ես:

Առավել մանրամասն' ներկայացված տեսանյութում: