Մադրիդի «Ռեալի» հարձակվող Կրիշտիանու Ռոնալդուն խոսել է ակումբի նախագահ Ֆլորենտինո Պերեսի հետ իր փոխհարաբերությունների մասին:

-Ես նախագահի հետ լուրջ կոնֆլիկտներ չեմ ունեցել: Ճիշտ է, մենք հաճախ ենք վիճում տարբեր հարցերի շուրջ, սակայն սա կյանք է:

Մենք բանակցություններ ենք վարել նախորդ մրցաշրջանի վերջում, ու ես դեռ այն ժամանակ գիտեի, որ վաղ թե ուշ համաձայնության ենք գալու:

Այդպիսի ակումբ չկա, որտեղ ամեն բան կատարյալ է: Ես «Ռեալ» եկա աշխարհի ամենաթանկ ֆուտբոլիստի կարգավիճակում, ու ինձ վրա մեծ պատասխանատվություն դրվեց, բայց ես ապացուցեցի, որ ակումբն արդարացիորեն է այդքան գումար վճարել,- պորտուգալացու խոսքերը մեջբերում է Inside Spanish Football-ը: