Մադրիդի «Ռեալի» հարձակվող Կրիշտիանու Ռոնալդուն գոհ է «Գրանադայի» դեմ խաղից: Հիշեցնենք, որ մադրիդցիները հաղթեցին 2:0 հաշվով, իսկ պորտուգալացի ֆուտբոլիստը խփեց իր թիմի առաջին գոլը:

«Ինձ համար յուրահատուկ օր էր: Երկրպագուներն ինձ հիանալի ընդունեցին «Ոսկե գնդակի» հետ: Թիմը հաղթեց, և այժմ մենք մրցաշարային աղյուսակում առաջատար ենք: Տեսնենք, թե ինչպես կխաղան մեր մրցակիցները:

Թիմը հիանալի մարզավիճակում է, մենք հրաշալի ֆուտբոլ ենք ցուցադրում, իսկ ինձ մոտ ամեն ինչ կարգին է: Ցանկանում եմ այս մարզավիճակը պահպանել մինչև մրցաշրջանի ավարտը»,-Ռոնալդուի խոսքերը մեջբերել է «Ռեալի» պաշտոնական կայքը:

«Ռեալն» այժմ ունի 53 միավոր և մրցաշարային աղյուսակում առաջին հորիզոնականն է զբաղեցնում, իսկ մեկ խաղ պակաս անցկացրած «Բարսելոնան» և «Ատլետիկոն» ունեն 51-ական միավոր: