09:59 «Ռեալը» կորցրեց առաջին միավորները (տեսանյութ) | |
«Էլ Մադրիգալ» մարզադաշտում կայացած «Վիլյառեալ»-«Ռեալ Մադրիդ» հանդիպումով ավարտվեց Իսպանիայի առաջնության չորրորդ տուրի խաղային առաջին օրը: Այս խաղում առաջինն աչքի ընկան դաշտի տերերը' 21-րդ րոպեին Կանին առաջ մղեց իր թիմին: Նախքան ընդմիջման գնալը մադրիդցիներին հաջողվեց հավասարեցնել հանդիպման հաշիվը' 39-րդ րոպեին նոր ակումբում իր առաջին գոլը խփեց ուելսեցի կիսապաշտպան Գարեթ Բեյլը: Երկրորդ խաղակեսում' 64-րդ րոպեին, արդեն «Ռեալն» առաջ անցավ հաշվի մեջ' գոլի հեղինակ դարձավ Կրիշտիանու Ռոնալդուն, սակայն «Արքայական» ակումբի երջանկությունը շատ չտևեց. 70-րդ րոպեին Ջոնաթան դոս Սանթոսը վերականգնեց հաշվի հավասարությունը: Այս հանդիպումից հետո երկու թիմերն էլ ունեն 10 միավոր: Հավելենք, որ այս խաղում իրենց «Ռեալի» կազմում իրենց նորամուտը նշեցին Գարեթ Բեյլը և Ասյեր Իլյարամենին: «Վիլյառեալ»-«Ռեալ»' 2:2 | |
|
Մեկնաբանություններն ընդամենը՝: 0 | |