«Էսպանյոլի» գլխավոր մարզիչ Խավիեր Ագիրեն խոսել է Իսպանիայի գավաթի քառորդ եզրափակչի շրջանակներում Մադրիդի «Ռեալի» հետ հանդիպումից իր ակնկալիքների մասին։

-«Ռեալը» ֆավորիտ է, մենք պետք է դա հասկանանք ու պատասխան խաղին մոտենանք պայքարը շարունակելու տրամադրությամբ ու շանսերով։ Իսկ այդ դեպքում կարելի կլինի նաև ռիսկային խաղ ցուցադրել, եթե դրա կարիքը լինի։

Շանսեր պահպանել ասելով նկատի ունեմ այն, որ առաջին հանդիպման ժամանակ երկու-երեք գնդակի տարբերությամբ չպարտվելու դեպքում կկարողանանք պայքարել հաջորդ փուլի ուղեգրի համար, իսկ շատ գնդակներ բաց թողնելու դեպքում դիմակայության ելքը վճռված կլինի։

Կաշխատենք միշտ մոտ լինել մրցակցին և´ դաշտում, և´ մրցաշարային աղյուսակում,-ասել է Ագիրեն։