Մադրիդի «Ռեալի» պաշտպան Սերխիո Ռամոսն անդրադարձել է Չեմպիոնների լիգայի 1/8 եզրափակչի վիճակահանությանը: Մադրիդցիների մրցակիցը գերմանական «Շալկե 04»-ն է:

«Անհամբերությամբ ենք սպասում այդ խաղերին, քանի որ սիրում ենք ելույթ ունենալ Չեմպիոնների լիգայում:

Ինչպես «Ռեալի» բոլոր երկրպագուները, այնպես էլ մենք հույս ունենք մրցաշարում որքան հնարավոր է հեռուն գնալ: Այնպես որ, «Շալկե 04»-ի դեմ խաղերին պատրաստվելու ենք լրջությամբ և հարգանքով»,-Ռամոսի խոսքերը մեջբերել է Goal.com-ը: