«Բարսելոնայի» պաշտպան Խերարդ Պիկեն մեկնաբանել է «Տոտենհեմի» կիսապաշտպան Գարեթ Բեյլի' Մադրիդի «Ռեալ» տեղափոխության փաստը:

-Նախապես անհնար է ասել, թե ինչպես և երբ Գարեթը կհաստատվի «Ռեալի» կազմում: Շատ դժվար է հարմարվել, երբ քո կողքին են Ռոնալդուն, Բենզեման ու մյուս աստղերը:

Մադրիդում մեծագույն թիմ է հավաքվել, յուրաքանչյուր խաղացող մեծ հետաքրքրություն է առաջացնում հասարակության մոտ: Բեյլը բացառություն չէ:

Երբ խաղում ես այնպիսի թիմ կազմում, որտեղ շատ մեծ ճնշում կա, քեզանից միշտ էլ գեղեցիկ խաղ ու հաղթանակներ են սպասում:

Այնպես որ, Բեյլին այնտեղ շատ դժվար է լինելու, առաջին մեկ ամիսը' հատկապես,- ասել է Պիկեն: