Մադրիդի «Ռեալի» նախագահ Ֆլորենտինո Պերեսը հայտարարել է, որ թիմը մինչև վերջ պայքարելու է իր առջև դրված բոլոր նպատակների համար, հաղորդում է իսպանական մամուլը։

«Արքայական» ակումբի նախագահը այս մասին խոսել է «Ռեալի» և Մադրիդի ինքնավար համայնքի ղեկավար Իգնասիո Գոնսալեսի կողմից կազմակերպված միջոցառման ժամանակ, որն ընթանում էր «Ոչ մի երեխա առանց նվերի»խորագրով բարեգործական արշավի շրջանակներում։

«Հիմա մենք դժվար ժամանակներ ենք ապրում, և ակումբը գիտի, որ իր առաջադրանքները չեն սահմանափակվում ֆուտբոլային խաղադաշտով ու բասկետբոլային հրապարակով։ «Ռեալը» միշտ հավակնում է առավելագույնին և երբեք չի հանձնվում»,-հայտարարել է Պերեսը։