Մադրիդի «Ռեալի» հարձակվող Ալվարո Մորատան նշել է, որ իրեն հանգիստ է զգում ու աշխատում է սովորականի պես, հաղորդում է իսպանական մամուլը:
Երիտասարդ ֆուտբոլիստն այս ոգով է պատասխանել թիմակից Կարիմ Բենզեմայի հետ մրցակցության վերաբերյալ հարցին:

-Ես հանգիստ եմ ու աշխատում եմ, ինչպես միշտ: Հասկանում եմ, որ պետք է շատ քրտնաջան աշխատեմ, ու գիտեմ, որ մրցակցում եմ աշխարհի ուժեղագույն հարձակվողներից մեկի հետ: Ես պետք է առաջ շարժվեմ քայլ առ քայլ: Մտադիր եմ օգտագործել այն հնարավորությունները, որոնք կընձեռնվեն ինձ,- ասել է Մորատան: