Մադրիդի «Ռեալի» երկրպագուները ցանկանում են, որ գլխավոր մարզիչ Կարլո Անչելոտին հիմնական կազմում ընդգրկի ոչ թե Կարիմ Բենզեմային, այլ Ալվարո Մորատային: Այս մասին փաստում է իսպանական առաջատար պարբերականներից Marca-ի անցկացրած հարցումը:

Հարցմանը մասնակցեց «Արքայական» ակումբի եկրպագուների 92 տոկոսը կողմ է արտահայտվել երիտասարդ հարձակվողին 90 րոպե խաղադաշտում տեսնելու տարբերակին:

Հիշեցնենք, որ Իսպանիայի առաջնության նախորդ տուրում՝ «Լևանտեի» դեմ խաղում (3:2) Ալվարո Մորատան իր մեծ ներդրումն ունեցավ «Ռեալի» հաղթանակի մեջ՝ 90-րդ րոպեին հաշիվը դարձնելով 2:2:

Հավելենք՝ Կարիմ Բենզեման, ումից այդքան դժգոհ են երկրպագուները, վերջին անգամ գոլի հեղինակ է դարձել Իսպանիայի առաջնության 2-րդ տուրում՝ «Գրանադայի» դեմ խաղում: