Մադրիդի «Ռեալի» դարպասապահ Իկեր Կասիլյասն, Իսպանիայի գավաթի խաղարկության քառորդ եզրափակիչ փուլի «Էսպանյոլի» դեմ հանդիպման առաջին 18 րոպեներին անառիկ պահելով սեփական դարպասը, անձնական ռեկորդ սահմանեց:

Իկերն արդեն 520 րոպե գոլ բաց չի թողել. սա դարպասապահի կարիերայի լավագույն ցուցանիշն է: Նշենք, որ «Ռեալի» վերջին 15 պաշտոնական խաղերի ժամանակ Կասիլյասն ընդամենը 4 գոլ է ընդունել: Այդ 15 խաղերից 13-ին իսպանացին մասնակցել է առանց փոխարինման: