«Ռեալի» դարպասապահ Իկեր Կասիլյասի վնասվածքը, ինչպես ցույց է տվել բուժզննումը, այնքան էլ ծանր չէ, որքան կանխատեսվում էր նախապես: Ինչպես հաղորդում է «Արքայական» ակումբի մամուլի ծառայությունը, ֆուտբոլիստը խուսափել է կողոսկրերի կոտրվածքից: Իսպանիայի հավաքականի խաղացողի վերականգնման ժամկետների մասին ոչինչ չի հաղորդվում:

Հիշեցնենք' Կասիլյասը վնասվածքի պատճառով փոխարինվել էր «Գալաթասարայի» հետ երեկ տեղի ունեցած հանդիպման արդեն 15-րդ րոպեին: Մադրիդյան ակումբն այդ խաղում հաղթանակ տոնեց 6:1 հաշվով: