Բրազիլացի նախկին ֆուտբոլիստ Ռոբերտո Կառլոսը, ով հիմա գլխավորում է «Սիվասպորը», համաձայն չէ «Ռեալի» գլխավոր մարզիչ Կարլո Անչելոտիի որոշման հետ: Խոսքը վերաբերում է դարպասապահների ընտրությանը:

Հիշեցնենք, որ Իկեր Կասիլյասը խաղում է Չեմպիոնների լիգայում, իսկ Դիեգո Լոպեսը` Լա լիգայում:

-Ես տեղերով կփոխեի «Ռեալի» դարպասապահներին: Կասիլյասն ինձ մոտ Լա լիգայում կխաղար: Այս հանգամանքը կբացատրեմ նրա ունեցած կարիերայով ու այն նշանակությամբ, որ Իկերն ունի երկրպագուների համար,-հայտարարել է Կառլոսը: