«ՊՍԺ»-ի հարձակվող Զլատան Իբրահիմովիչը, մեկնաբանելով կիսապաշտպան Գարեթ Բեյլի' «Ռեալ» տեղափոխությունը, այն համեմատել է ժամանակին իր' «Բարսելոնա» տրանսֆերի հետ:

-Ես երազում էի «Բարսելոնայում» խաղալու մասին: Բայց հետո հասկացա, որ ավելի լավ է' երազանքներս ինձ պահեի ու չիրականացնեի դրանք:

Բեյլի տեղափոխության իրավիճակը նման է իմ' կատալոնական ակումբ տրանսֆերի հետ: Լրատվամիջոցները սրել են իրավիճակը' կենտրոնանալով գործարքի արժեքի վրա: Բոլորը խոսում են այն մասին, որ ակումբը Բեյլին գնել է միայն ֆուտբոլիստի հնչեղ անունից ելնելով,- ասել է շվեդ ֆուտբոլիստը: