15:54 Ֆալկաո. Ռոնալդուն բոլորից բարձր է և արժանի է «Ոսկե գնդակի» | |
«Մոնակոյի» առաջատար Ռադամել Ֆալկաոն կարծում է, որ 2013 թվականի լավագույն ֆուտբոլիստի մրցանակը պետք է շնորհվի Մադրիդի «Ռեալի» պորտուգալացի հարձակվող Կրիշտիանու Ռոնալդուին: «Կարծում եմ, որ քվեարկողներն իրենց ձայնը պետք է տան Ռոնալդուին: Նախորդ մրցաշրջանում նա հիանալի խաղաց: Ռոնալդուն բոլորից բարձր է և արժանի է «Ոսկե գնդակի»»,-ասել է Ֆալկաոն: Կոլումբիացի ֆուտբոլիստն անդրադարձել է նաև իր նախկին թիմի' Մադրիդի «Ատլետիկոյի»' Չեմպիոնների լիգայում ելույթներին. «Տեղյակ եմ, որ 1/8 եզրափակչում նրանք մրցելու են «Միլանի» հետ: Այս մրցաշարում հնարավոր է ամեն բան, բայց ես տեսնում եմ, որ թիմն ավելի ու ավելի լավ է խաղում: Ճանաչում եմ «Ատլետիկոն» և դրա համար գիտեմ, որ թիմը պայքարելու է առավելագույնի համար»,-Ֆալկաոյի խոսքերը մեջբերել է Sky Sport-ը: Հիշեցնենք, որ 2014 թվականի հունվարի 13-ին Ցյուրիխում կայանալիք մրցանակաբաշխության ժամանակ Լիոնել Մեսսին, Ֆրանկ Ռիբերին կամ Կրիշտիանու Ռոնալդուն կստանա «Ոսկե գնդակը»: | |
|
Մեկնաբանություններն ընդամենը՝: 0 | |