Մադրիդի «Ռեալի» ֆուտբոլիստ Դիեգո Լոպեսը, ով թիմի դարպասն է պաշտպանում Լա լիգայի հանդիպումներում, կարող է հեռանալ: Այս մասին տեղեկացնում է «Defensacentral.com»-ը:

Նշվում է, որ ֆուտբոլիստի ծառայություններով են հետաքրքրված Դորտմունդի «Բորուսիան» և «Մանչեսթեր Սիթին», սակայն նրա՝ «Սիթի» տեղափովելը կախված կլինի այն հանգամանքից, թե արդյուք Վալդեսը կգնա անգլիական ակումբ, թե՝ ոչ:

«Defensacentral.com»-ը, մեջբերելով իսպանացի ճանաչված լրագրող Խեսեպ Պերդերոլի խոսքերը, նաև նշում է, որ ցանկացած դեպքում այս մրցաշրջանի վերջում մադրիդյան թիմի դարպասապահներից մեկը կհեռանա, քանի որ Լոպեսը և Կասիլյասը չեն կարող այսպես շարունակել: