16:06 Դի Մարիա. Մոուրինյոն ինձ ավելի լավ խաղացող դարձրեց | |
Մարրիդի «Ռեալի» կիսպապշտպան Անխել դի Մարիան նշում է, որ թիմի նախկին գլխավոր մարզիչ Ժոզե Մոուրինյոն իրեն շատ բան է սովորեցրել: «Մոուրինյոն ինձ ավելի լավ խաղացող դարձրեց: Նա ինձ շատ բաներ ցույց տվեց և օգնեց աճել որպես ֆուտբոլիստ: Ես նրան շատ շնորհակալ եմ», - արգենտինացու խոսքերն է մեջբերում «Sport You»-ն: Դի Մարիան նաև նշում է, որ Մոուրինյույի ֆուտբոլիստները դրական են արտահայտվում նրա մասին: «Մոուրինյոն միշտ գնում է ասուլիսների և իր վրա է վերցնում ողջ պատասխանատվությունը, այդ պատճառով էլ իր բոլոր խաղացողները դրական են արտահայտվում նրա մասին: Շատ արգենտինացիներ կան, որ նրան շատ են հարգում», - նշել է Դի Մարիան: Խոսելով հավաքականի իր խաղընկեր Լիոնել Մեսսիի մասին' Դի Մարիան նշել է. «Երբ գնացի Օլիմպիական խաղերին և ծանոթացա Մեսսիի հետ, հիանալի էր: Ողջ աշխարհն արդեն խոսում էր նրա մասին: Նա արդեն հրաշալի ֆուտբոլիստ էր, և նա իմ կողքին էր խաղում»: Դի Մարիան հիացած է նաև իր պորտուգալացի խաղընկեր Կրիշտիանու Ռոնալդոյով. «Նա հիանալի անձնավորություն է, շատ հանգիստ»: | |
|
Մեկնաբանություններն ընդամենը՝: 0 | |