Իսպանիայի ընթացիկ առաջնությունում կատալոնական «Բարսելոնան» և Մադրիդի «Ատլետիկոն» վաստակել են 43 միավոր: Մրցաշարային աղյուսակը գլխավորում են «կապտանռնագույնները», քանի որ մադրիդցիների համեմատ մեկ գոլ ավելի են խփել:

Այսպիսով, «Բարսելոնան» Իսպանիայի առաջնության մրցաշարային աղյուսակը գլխավորելու ռեկորդ է սահմանել. արդեն 54 տուր է (նախորդ մրցաշրջանը ներառյալ) կատալոնացիները չեն իջնում առաջին հորիզոնականից:

Նախորդ ռեկորդը պատկանել է Մադրիդի «Ռեալին» (53 տուր), այն գրանցվել է 1986-88 թվականներին: