«Ռեալի» գլխավոր մարզիչ Կարլո Անչելոտին, խոսելով «Էսպանյոլի» դեմ խաղից (1:0), հայտարարել է, որ Իկեր Կասիլյասը պահեստային խաղացող չէ: Հիշեցնենք, որ Կասիլյասը, «Էսպանյոլի» դեմ հանդիպման առաջին 18 րոպեներին անառիկ պահելով սեփական դարպասը, անձնական ռեկորդ սահմանեց. նա արդեն 520 րոպեից ավելի գոլ բաց չի թողել:

-Պետք է շնորհավորել Իկերին, քանի որ շատ լավ է խաղում: Նա արժանի է այս ռեկորդին, նա շատ է օգնում մեր թիմին: Հիմա մեր երկու դարպասապահներն էլ հավասարապես խաղում են: Նա Դիեգո Լոպեսի պես հիմնական կազմի խաղացող է,-ասել է մարզիչը: