Մադրիդի «Ռեալի» գլխավոր մարզիչ Կարլո Անչելոտին հայտարարել է, որ հույս ունի՝ ակումբի կիսապաշտպան Խաբի Ալոնսոն կերկարաձգի պայմանագիրը և կմնա Մադրիդում, հաղորդում է իսպանական մամուլը։

Իսպանիայի հավաքականի ֆուտբոլիստն իտալացի մարզչի համար առանցքային խաղացող է։

«Ես խոսել եմ Ալոնսոյի հետ և ասել նրան, որ բոլորը շատ են ցանկանում տեսնել նրա հետագա ելույթները «Ռեալի» կազմում։ Սակայն իր ապագային վերաբեող որոշումներն ինքը Ալոնսոն պետք է կայացնի։ Նա պետք է իր համար լավագույն տարբերակն ընտրի»,-ասել է Անչելոտին։