«Մոնակոյի» ու Ֆրանսիայի հավաքականի պաշտպան Էրիկ Աբիդալը խոսել է Մադրիդի «Ռեալի» հարձակվող Կարիմ Բենզեմայի շուրջ ստեղծված իրավիճակի մասին, ով անհաջող ելույթների պատճառով վերջերս հաճախ է ենթարկվում քննադատության:

-Ես չեմ կարծում, որ եթե Բենզեման հայտնվի պահեստայինների նստարանին կամ տրիբունայում, խնդիրն ինչ-որ կերպ կլուծվի,- ասել է Աբիդալը AS-ի հետ զրույցում:

Հիշեցնենք' հարձակվողի' առանց գոլերի շարքն «Արքայական» ակումբի կազմում շարունակվում է արդեն 326 րոպե: Նա վերջին անգամ հաջողության է հասել Իսպանիայի առաջնության' «Գրանադայի» հետ մրցավեճում (1:0): Չնայած ցածր արդյունավետությանը' գլխավոր մարզիչ Կարլո Անչելոտին շարունակում է ֆրանսիացուն տեղ վստահել թիմի հիմնական կազմում: